Wie kin iech mètdoen?

Wie kin iech mètdoen?

Ich woen neet in Mestreech

Wat leuk totste interesse höbs in Common Carnaval, ouch al woenste neet in Mestreech! De Mestreechteneer is vaan nature al tróts op zien stad en de karneval. Mèh v’r veule us gans tróts mèt ’t projek Common Carnaval.

Veer wèlle us tollerante levenshajding geere met aandere deile en hope daomèt aandere te inspirere.

Veer hope totste us idee, uzze Raod vaan 11 en de Common Carnaval op aofstand wèls steune door aandere te vertèlle over ‘t projek en de Common Carnaval, door te pooste op social media wie facebook en twitter. Vaan Tasmanië tot Iesland, New York en Brazilië, veer vinde ‘t fantasties es eederein wèt wat gebäört in ut zuidelekste puntsje vaan Nederland.

‘Nnen inwoener van Mestreech is geine Mestreechteneer es ‘r diech neet zouw oetnudege veur mèt te koume viere en ’t rizzeltaot vaan Common Carnaval ‘live’ te koume bewoondere en mèt te make. V’r nudege d’ch vaan harte oet um d’ch oonder te dómpele in us Bourgondiese meneer vaan leve en ’t ritueel vaan karneval. D’n optoch is op zoondeg 8 fibberwarie. Check d’n agenda veur de exacte tijje en data. De maags netuurlek ouch al ieder aofreijze nao Mestreech en saame mèt us de han oet de mouwe steke. Leuk! Daan deiste gewoen ofste ‘nne Mestreechteneer bis en de kliks op de link op Iech bin Mestreechteneer/Mestreechse veur mier info. 

Este neet kins mètwerke aon Common Carnaval mèh wèl een finansjeel beijdrage wèls doen aon Common Carnaval, zoetot veer zoeväöl meugelek vlöchtelinge, nuijkoumers en hun kinder kinne laote mètdoen aon de karneval, daan kin dat netuurlek ouch.

In eeder geval bedaank veur ’t bezeuke van uzze site!

Veur mier informatie klik op d'n link.