• Wie kin iech mètdoen

Wie kin iech mètdoen

Ich woen in Lummel in 't AZC of ich bin unne nuijje Mestreechteneer

Veer wèlle d’ch vaan harte welkom heite in us stad en v’r wèlle d’ch gere oontmoete. Ederein kin en maag mètdoen aon Common Carnaval. De kins koume helpe mèt ’t make vaan pekskes of de bouw aon de wagel. De maags allein mètdoen, mèh ouch mèt aander luij oet d’n femilie, of luij dieste kins vaan ’t AZC of beveurbeeld vaan de taolkursus via ’t Vlögtelingewèrrek.

Wat d'n techniek betröf zien d’r take die get ingewikkelder zien, meh ouch sumpel kluskes. (Laot d’ch dus neet weerhawwe doortotste dinks totste get neet kins.) ’t Belangriekste is tot veer us oonderein in alle nuisjieregheid oontmoete en same aon Common Carnaval bouwe. De bewoeners vaan de stad Mestreech die mètdoen, wèlle d’ch gere alles oetlègge euver de stad en euver ‘t ritueel vaan karneval. Mesjien sprikste nog gei (good) Nederlands umtotste nog mèr kort heij bis. Dat begriepe v’r en daoveur probere v’r veur luij te zörrege die kinne tólleke.

De kins d’ch opgeve veur mèt te doen via commoncarnaval@hotmail.com of de kins nao ’t ‘Common Carnaval Hoofketeer’ koume in de Hoofwach op ’t Vriethof. Dat gebouw fungeert in dizze karnevalsmaond es info-sentrum, hoeskamer en neijj-atteljee. Vinste belle gemekeleker? Dat maag via ‘t tijjdelek Common Carnaval tèllefoonnummer 0640743603. Este neet in de gelegeheid bis um mèt te wèrke aon Common Carnaval meh wel ’n financieel bijdraog wèls doen aon Common Carnaval, daan kin dat ouch. 

De kins de Raod vaan 11 en Common Carnaval ouch vaan harte oondersteune door aandere te vertèlle euver ’t projek en ’t te pooste op social media wie facebook en twitter. Vaan Tasmanië tot Iesland, New York en Brazilië, veer mage de wereld laote wete wie gruuts veer zien op us stad, uzze carneval en ’t projek Common Carnaval! 

Klik heij veur mier informatie euver Sponsoring & Crowdfunding