• Wie kin iech mètdoen?
  • Wie kin iech mètdoen?

Wie kin iech mètdoen?

Iech bin Mestreechteneer/Mestreechse

Ederein kin en maag mètdoen aon Common Carnaval. De kins koume helpe mèt ’t make vaan pekskes of de bouw aon de wagel. Wat d'n techniek betröf zien d’r take die get ingewikkelder zien, meh ouch sumpel kluskes. (Laot d’ch dus neet weerhawwe doortotste dinks totste get neet kins.) ’t Belangriekste is tot veer us oonderein in alle nuisjieregheid oontmoete en same aon Common Carnaval bouwe in samewèrking mèt aander Mestreechtenere, vlöchtelinge en nuikoumers.

De kins d’ch opgeve um mèt te doen via commoncarnaval@hotmail.com of de kins nao ’t ‘Common Carnaval Hoofketeer’ koume in de Hoofwach op ’t Vriethof. (netuurlek ouch veur miejer informatie of gewoen um ’ns eve te koume kieke) Vinste belle gemekeleker? Daan maag dat via de Common Carnaval hotline 0640743603.

Este neet in de gelegeheid bis um mèt te wèrke aon Common Carnaval meh wel ’n financieel bijdraog wèls doen aon Common Carnaval, kin dat ouch. Miejer info via de link: crowdfunding en sposoring.

De kins de Raod vaan 11 en Common Carnaval ouch vaan harte oondersteune door aandere op de huugde te bringe euver ’t projek en ’t te poste op social media wie facebook en twitter. Vaan Tasmanië tot Iesland, New York en Brazilië, veer mage de wereld laote weite wie gruuts veer zien op eus stad, euze carneval en ’t projek Common Carnaval!